Hepkema

Weeromme naor Artikelen
Home


De Hepkema

In de LC van 6 april nuumde Pieter de Groot in zien Harje de naeme van Fedde Schurer en Knuppelvri'jdag. Op et stuit da'k dat las miste ik opiens et 'samen met de Friese Koerier'. Al sund 1969 wodde dat as toevoeging an de naeme van disse kraante op et veurblad ofdrokt. Op zaoterdag ston et d'r nog mar maendag was 't in de ni'je jasse van de LC gewoon weglaoten. Now hadden ze d'r een hiele ziede an besteded om oons veur te bereiden op die ni'je jasse mar gien woord smerig maekt an et weglaoten van 'samen met de Friese Koerier'. Op disse wieze is d'r zonder ommedaenken weer een draotien naor vroeger deurknipt. Een hiele riegel oolde kraantekoppen zoas Nieuwsblad van Friesland, Heerenveense Koerier en Friese Koerier - allemaole bekend as De Hepkema - is now veurgoed historie.


Piet/er Bult