Aanspreekvorm

Weeromme naor Essays
Weeromme naor Stellingwarfs
Home


Anspreekvorm...

Een briefanhef in de privésfeer begint meugelik zo:
Beste vrouw Jansen,
Hiermit lao'k jow even weten dat...
(Ik laot jow even wat weten.)

of as et tegen meer as iene is mit:
Beste heer en mevrouw Jansen,
Hiermit lao'k jim even weten dat...
(Ik laot jim even wat weten.)

Zaekelik gaot et haost altied in de meervooldsvorm:
Beste vrouw Jansen,
Hiermit lao'we jow weten dat...
(We - et bedrief - laoten jow even wat weten.)
of:
Beste heer en mevrouw Jansen,
Hiermit lao'we jim weten dat...
(We - et bedrief - laoten jim even wat weten.)

Baentiesmannen laoten heur gezag graeg gellen en tegen wie ze et ok hebben, ze zullen haost altied in de ik-vorm schrieven, ok al is et naemens B&W, de Raod of een hiele ofdieling.
De belasinginpekteur maekt et bi'jtieden wel hiel bont: ik leg u een boete op. Vaeks is zoe'n iene ok niet te beroerd om in zien eerste brief alvast alle meugelike volgenden an te kondigen mit alle meugelike verhogings van een boetedoening die daor dan vaeks bi'j kieken kommen.
En is et je ok wel es opvalen dat (oold-)baentiesmannen vaeks gien spatie aachter een punt bruken.Mar - zo dus - drekt deurgaon mit de volgende riegel? Et staot niet alliend slodderig mar een tekstverwarker op de komputer het et d'r vaeks ok mar muuilik mit want die zicht zoks as ien woord.

Pattie 'echte' schrievers hebben vaeks ok zo heur eigen aordigheden. De schriever die hoopt dat d'r argens over de hiele wereld misschien wel iene te vienen is die zien stokkien lest begint vaeks zo:
As jow dit dagboekstokkien lezen...

De schriever/narcist die daenkt dat de hiele wereld so-wie-so an zien voeten ligt begint vaeks mit:
As jim dit dagboekstokkien lezen...

De domenee van zien kaansel of het ok een peer verschillende meugelikheden:
Gemeente van de Heer, u zit hier nou wel maar...
(Al et karkevolk wodt anspreuken.)
Mevrouw Jansen, u zit hier nou wel maar...
(Alliend vrouw Jansen wodt anspreuken.)
Zonder eerst te numen tegen wie praot wodt dan is et allemaole een muuiliker:
U zit hier nou wel maar...
(Bedoelt de domenee mi'j, mien buurvrouw, iene aanders of alleman in de karke?)


© Piet/er Bult