Bin schrievers lui

Weeromme naor Essays
Weeromme naor Stellingwarfs
Home


Bin schrievers lui ?

Een hiel gangber leesboek, een buseboek bi'jglieks mit zoe'n honderdvuuftig bladzieden het vaeks rond de vuvendattig riegels op iene bladziede. Iedere riegel het deurenneer zoe'n vuuftig lettertekens, teminste tiene en hoogstens zeuventig (spatie, punten, komma's, e.z.v. tellen ok mit). Ik hebbe d'r gien weet van hoevule riegels een gemiddelde gedichte- of boekeschriever daegs schrift. Wa'k deur de jaoren henne wel weet dat a'k mit een komputerpergramme an 't schrieven bin da'k dan tegen de duzend riegels daegs schrieve. Daor zitten lange riegels van zoe'n zeuventig lettertekens bi'j mar ok wel riegels van niet meer as tien lettertekens. Al mit al zo tussen de vuventwintig tot dattig bladzieden daegs. Zoe'n pergrammemaekersdag het bi'j mi'j ongeveer 3.600 menuten, oftewel zes uren wark. Een boek schrieven hoeft dan ok niet vule meer as drie daegen te duren he'k uutrekend. De meerste 'echte' schrievers bin dan ok verschrikkelike luiwammesen, liekt mi'j zo toe.

Meensken die as d'r veur deurleerd hebben die hebben uutrekend da'k ongeveer iene fout maek op vierentwintighonderd riegels! Daor geleuf ik trouwens niks van…


© Piet/er Bult