Ielig mannegien
Weeromme naor Essays
Weeromme naor Stellingwarfs
Home
Ielig mannegien
Et gebeurde ditkeer in een kefé mar pas op, et kan ieder aander ok overkommen, luuster...
In dit kefé staot de barkeeper bekend om de kracht in zien hanen. Hi'j
is zo alderverschrikkelikst stark dat d'r een ieuwigdurende weddenschop
lopt mit een pries van wel 1000 Euro. Die weddenschop gaot zo...
De Barkeeper past mit iene haand een citroen uut en lat et sap in een
glas lopen. As et iene lokt om uut diezelde uutpaste citroen ok nog mar
iéne drup te passen dan krigt diegene 1000 euro van de kroegbaos!
Alle starke mannen uut de wiede omkrieten hebben et al weken en weken
perbeerd mar et is nog gieniene lokt. Op een dag komt d'r een klein
onogelik, ielig mannegien de gelagkaemer in mit zoe'n klein
ziekenfoonsbrillegien op 'e neuze mit van die verschrikkelik dikke
sjempotglaezen en zegt:
"Ik wil an die weddenschop mitdoen..."
As alleman in de kroeg kalmpiesan uutlachen is, nemt de Barkeeper een
citroen, kikt et mannegien strak an en past de citroen hielemaole uut.
Dan geft hi'j de dreuge schelle an et wat aarmetierige kereltien. Et
volk in de kroeg die d’r allemaole op toekeken, stonnen slim
versteld... Wow hee, hi'j paste d'r nog wel 2, 3 alderdeegst 4, 5
druppen uut..!
"Jiezus kerel, wat doe ie wel niet veur de kost? Bi'j' hoolthakker of zok-zo-wat?" vreug de keféhoolder.
"Nee heur," gaf et mannegien mit 'n zunig montien as bescheid "nee
heur, gien hoolthakker. Ik warke gewoon bi'j ... de belasting."
© Piet/er Bult