Ofleren

Weeromme naor Essays
Weeromme naor Stellingwarfs
Home


Ofleren

Gek woj' d'r van. Aj' goed en wel in de wieg liggen dan gaon de meerste dingen die aj' kunnen moeten om in leven te blieven, haost vanzels. As de omstaandigheden d'r wat naor binnen dan hej' vaeks hielendal gien muuite mit et knipperen van de ogen, et slaopen gaon, wakker wodden, wat lewaai maeken en een betien tetten en deurslokken aj' honger kriegen. In de broek pissen en nog slimmer is ok al lieke gewoon as mit je doeme in de mond en alderdeegst in de neuze zitten te peuteren.

Et duurt vaeks niet al te lange dat de wat ooldere meensken dan beginnen om je een protte 'of te leren' die eins as hiel netuurlik begonnen binnen. Dat ofleren zal je je hiele leven aachtervolgen. Dingen die aj' jezels anleren bin vaeks niet goed en moej' weer ofleren.
Aanderen zullen je de hieltied zeggen hoe 't moet.

Now, ik geleuf ik neem d'r nog mar iene op... om 't of te leren.


© Piet/er Bult