Spraten
Weeromme naor Essays
Weeromme naor Stellingwarfs
Home
Spraoten
Spreken we of praoten we, awwe wat zeggen? Seins kan et beide mar d'r
is vule vaeker een verschil, en ok wel es een groot verschil.
Spreken geft in et algemien de meugelikhied van et praoten kunnen an.
Spreken is dan ok wat een oppervlakkige uutdrokking. Een mennigte
toespreken kan hiel goed mar mit de buurvrouw staoj' te praoten, niet
te spreken. Ie holen wel een spreekbeurt veur de klasse mar mit de
jonges om je henne op et schoeleplein praot ie. Ik hebbe Jan vandaege
nog spreuken, zeggen we niet mar ik hebbe vandaege nog mit Jan praot.
Awwe de eerste letter weglaoten van dat spreken dan hoolt dat ok wel
wat van preken in. Nogal ofstaandelik. Vule waarmer is een praotien mit
iene of meer meensken hebben. Bi'j spreken zeggen de aanderen vaeks
niks weeromme (hooguut boe-geroep) mar in een praotien gaot et
gewoonlik over en weer, zeg ie omstebeurten wat.
© Piet/er Bult