Ekkel

Weeromme naor Etymologie
Weeromme naor Stellingwarfs
Home


Ekkel

Even as manluden onder mekeer. Jim weten vanzels allemaole wel dat et veurste stokkien van de penis, of eins moe'k in geef Stellingwarfs zeggen, et pissertien, dat veurste stok daor dus van wodt ok wel een ekkel nuumd. En we kennen de uutdrokking: zo glad as een ekkel. En dat komt mooi uut want de oolde betekenisse van ekkel is eins niks meer en niks minder as 'glaans'. Van eerder ok al weer zoe'n oolde verzaemelnaeme veur alderhaande gladde vruchten. Een iekeboom en een ekkel wodden vaeks tot de hiele oolde woorden rekend. En tja, de ooldste woorden bin deur de tied geografisch dan ok uutenneer lopen. Vandaor ok nog altied oonze twiefels over ekkelboom of iekeboom. Veur wat dat angaot is et Nederlaans dudeliker. Een eikenboom met eikels. Zo kuj' trouwens ok goed et verschil zien tussen een ni'jmoodse tael as et Nederlaans dat nog mar een peer honderd jaor bestaot en et vule ooldere Nedersaksisch wat al zo lange bestaot as dat hier in disse kontreinen meensken wonen.


© Piet/er Bult