Bekonkelfoezen

Weeromme naor Gedichten
Weeromme naor Stellingwarfs
Home


Bekonkelfoezen

Och, wat he'k zitten stennen
ik kwamme d'r mar niet uut
wie mo'k die pries now geven
wat he'k me ok op 'e hals haeld

Geert, Grietje, Karst of Attie
mar die ken ik allemaole niet
lao'k es wat adviezen vraogen
geft mi'j naotied ok verschoel…

Dag Harry, ik wil je graeg wat vraogen
over toe… die HJB-pries daor bi'j jim
- jow zeggen: in Wolvege moe'k wezen
dan vraog ik daor even, daankjewel

Dag Gerard, ik wil je graeg wat vraogen
neffens je kollega weet ie d'r van
- jow zeggen: bi'j die in Ni'jhooltpae
dan vraog ik daor even, daankjewel

Dag Johan, ie bin een Stellingwarver
... mar ik verstao je niet zo goed
- jow zeggen: je vrund in Oosterwoolde
dan vraog ik daor even, daankjewel

Dag Pieter, ie weren toch de direkteur
vertel mi'j es hoe moe'k d'r now mit an
- jow zeggen: in Berkoop moe'k wezen
dan vraog ik daor even, daankjewel

Dag Sietske, ik kreeg je naeme deur
'k wil graeg advies over de HJB-pries
- niet bi'j jow mar bi'j je grote breur
dan vraog ik daor even, daankjewel

Dag Henk, 'k bin haost ten einde raod
mar jow zollen d'r alles van weten
- bi’j Ype, die is now jim grote man
dan vraog ik daor even, daankjewel

Dag Ype, doodziek wor ik d'r van
wil ie die HJB-pries van me hebben
- o, jaowel heur, en dan zeg ik wel…
gelokkig.., graeg tot 17 juni dan


© Piet/er Bult
in plak van Geke Zanen-Dokter