Dienstpak

Weeromme naor Gedichten
Weeromme naor Stellingwarfs
Home


Dienstpak

Wat mos Buil in die jaoren
ok mit 'n pelisieman
inbrekers hadden daor niks
hielemaole niks te zuken
Builigers bezitten niet

dan mar postbezorger
want ja ie wollen toch
zoe'n dienstpak an
en een bodepette op
dat kon in Amsterdam

en krek as alle jonges
twie keer twaelf maonden
et grune dienstpak reup
et leger vreug soldaoten
vechten veur de lieve vrede

naotied op naor Zwolle
blauwvinger en in 't blauw
geveer beston doe niet
een echt blauw dienstpak an
mit mondering op 'e mouwe

kom pelisie kom
verdedig de wetten
maekt deur poletiek
en dat gewone volk
hool ze in 't gereel

now al weer aorig jaoren
et burgerkloffien an
'n protte tied 'n goed pensioen
voetbal atletiek en haddelopen
een aander mag et allemaole doen

wat mos Buil ok in die jaoren
mit zoe'n blauwe pelisieman
moord en doodslag kennen ze niet
Builigers die moren niet mar…
strupen graeg een dienstpak an.


© Piet/er Bult

Veur RWC, Huus en Hiem