Fladdergoed

Weeromme naor Gedichten
Weeromme naor Stellingwarfs
Home


Fladdergoed

Uut Hollaand weg of
God mag weten waore
naor de Kelonie toe
een appat slag Stellingwarvers

As vlinders kwammen ze
de rooie roze faveriet
dienstberhied an volk
an vaderlaand en
centrum van et dörp
beheer en poletiek
de rechtervoest omhogens
as vlinders vleugen ze uut

blispoters lopen vaeks
naost de eigen schoenen
dat vaalt in dit geval wel toe
de strepen wel verdiend
et platpraoten niet verleerd

van Olyphia tot an de Duker
en Jeu de boules mit ballen
van Bibliobus tot in de Kaemer
veurzitter mit de haemer
mooie branend waarme lochies
laoten heur nog lang niet doven
dit bin...

Kees en Jeltje van Nieuwenhoven


© Piet/er Bult

Veur RWC, Huus & Hiem