Jaoren 50

Weeromme naor Gedichten
Weeromme naor Stellingwarfs
Home


Jaoren 50

Wat was d'r eins mis mit de vuuftiger jaoren
iederiene die dee goed zien best
de jongens hadden kotte haoren
we wussen wat een petticoat was
gien lerer wodde d'r doe votpest

Wat was d'r eins mis mit de vuuftiger jaoren
gieniene hoefde op aids test te wodden
d'r was gien meziek uut de jaoren zestig
en ok gien maotschappi'jkretiek
gien meens wus wat orgasmes weren
en toch stikte et van de ooiveren
een keunstemaeker die was excentriek

Wat was d'r eins mis mit de vuuftiger jaoren
iederiene die was katteliek
hervormd griffemeerd of niks
gien meens was homesueel
en iederiene hadde wark
et keuningshuus was nog een droomkesteel
we hadde oonze Ard en Kees Verkark

Wat was d'r eins mis mit de vuuftiger jaoren
Et Vlechtwark dat beston nog niet
gien last van zoere regens
d'r was gien ozonlaoggeveer
en as et d'r wel was now
dan wus ie et gewoonweg niet

Wat was d'r eins mis mit de vuuftiger jaoren
Christina was gewoon Marijke
iederiene mos op tied op bedde
en morgens d'r vroeg weer uut
de bus was altied goed bezet
zundags naor de karke of
naor de kroeg of voetbalveld
en ienkeer weeks de kraante.

Kom, kom gao mit oons weeromme naor de vuuftiger jaoren
en lekker weer geleuven in een God
zulverpepier veur de negerties speren
wie gaot d'r mit naor Indië te veren
"Kom mit." zegt Sien, "Ie ok." zegt Ot
weeromme naor de vuuftiger jaoren
je fiets, die hoefde niet op slot.


© Piet/er Bult

In 2008 orgeniseerd' ik mit Henk de Vries een peer daans- en meziekaovens in Noordwolde...