Kleuve om de Batten

Weeromme naor Gedichten
Weeromme naor Stellingwarfs
Home


Kleuve om de Batten

Zi'j kende alle bloempies
alle besies
mar dan uut boeken
was de beste van de klasse

Hi'j gruuide op in dat
laand van bloempies
en van besies
oolde wieshied in de plasse

Zi'j wus alles van de EHS
ekologisch muuilik woord
en van Natura twieduzend
d'r moch een protte niet

Hi'j wus niks van EHS
daor ok niet veur leerd
niks van Natura hoevule
om him kon et wel gewoon

Mar zi'j vun: et kon niet
en zi'j vun: et moch niet
netuur moej' stark behuden
daor past gien meenske in

En hi'j vun: et kan best
en hi'j vun: et mag best
netuur moej' van genieten
daor heuren juust meensken in

Zi'j het et niet begrepen
alliend oge veur een kiepien
en een pollegien blauw gruun

Hi'j het d'r gien begrip veur
en zag al meensken lopen
op zien o zo eigen Battenpad

Hi'j zag niet dat zi'j nog hogerop wol
Zi'j zag niet, de traonen in zien ogen…


Piet/er Bult