Lererverdriet

Weeromme naor Gedichten
Weeromme naor Stellingwarfs
Home


Lererverdriet

Schoelemeesters, bah
altied die stomme rekensommen
schoelemeesters, bah
altied die stomme 'd's en 't's
schoelemeesters, bah
altied in de hoeke staon

Schoelejuffers, hmm
dat klinkt vanzels al een stok beter
schoelejuffers, hmm
strak truigien, kot rokkien, blote bienen
schoelejuffers, hmm
mar dan moej' eins wat oolder wezen

En dan al die kiender
kiender, kiender, wat een kiender
en dan ok nog van een aander
now, die van de dokter
ja, die gaot nog wel

Mar die van de pietereulieboer
dat is mi'j d'r toch iene
stinkt een ure in de wiend
en kent hielendal gien menieren
och, hi'j kent en wet zovule niet
zoas lessend nog, zien strafwark
ik zegge: schrief mar tien keer op
1. ik zal et niet weer doen meester
2. ik zal et niet weer doen meester
3. ik zal et niet weer doen meester
(...)
8. ik zal et niet weer doen meester
9. ik zal et niet weer doen meester
10. ik zal et niet weer doen meester
schrift dat rotjong d'r nog een riegel onder
11. mar beloven doe'k et niet

Schoelemeester wezen is wel aorig
schoelejuffer, dat gaot ok nog wel
mar et mos eins zonder al die kiender kunnen.


© Piet/er Bult