Liefde over de zintugen

Weeromme naor Gedichten
Weeromme naor Stellingwarfs
Home


Liefde over de zintugen

(In twieloek mit Zintugen over de liefde)

Heuren
alleman zal van mi'j heuren
ik loop niet naoderan mar bin
ik pienig zute mit mien boonzen
gienertied bruuk ik geweld

Zien
alleman die zal mi'j zien
ik bin in locht en duuster
een bestaon zonder gezichte
raozebliend zuj' mi'j vernemen

Vulen
alleman die zal mi'j vulen
tot in je diepste dring ik deur
ik was ik bin en ik zal wezen
liefde in de vri'jers val

Roeken
alleman die zal mi'j roeken
zuter as de zuutste hunning
rozeblossem rond je lippen
roek de kriebels in je neuze

Pruven
alleman zal van mi'j pruven
in alles en overal kom ik veur
een hiel klein betien of een protte
echte liefde smaekt naor meer

Et zesde Zintuug
van de jongste dag of tot et aende
zonder mi'j bestaot gien leven
et ienigste da’k geven kan is liefde
vule meer hej' ok niet neudig


© Piet/er Bult

in et Frysk, Literêr Sirkwy, 2010