Mien penne

Weeromme naor Gedichten
Weeromme naor Stellingwarfs
Home


Mien penne

Mien penne lidt an Parkinson
en schrift van alles zomar op
inkeld begriep ik wat hi'j dot
mar vule vaeker snap ik 't niet.

Mien penne lidt an Parkinson
te vlogge schrift hi'j dingen
die ík dan weer terechte zette
't was vaeks niet zo bedoeld.

Mien penne lidt an Parkinson
daor is gien kruud tegen wasken
ík heb d'r wel mit leren leven
ze kieken mi'j d'r vaeks op an.

Mien penne lidt an Parkinson
mien meester die zee vroeger
eerst daenken en dan pas doen
mien penne het gien meester kent.

Mien penne lidt an Parkinson
now he'k uutvunnen wat te doen
'k leg d'r gien pepier meer onder
dat veurkomt ...
      een hieleboel gedonder.


© Piet/er Bult