Minne berichten

Weeromme naor Gedichten
Weeromme naor Stellingwarfs
Home


Minne berichten

Wat lig ie daor toch mooi te wezen
Naost mi'j op je bloemekussen

Hoe moet dat straks
Hoe za'k mi'j redden
Kan niet zonder jow

Kan niet slaopen
Moet hieltied naor je kieken
Daenken an wat west het en
Meer nog an wat kommen gaot

Blief asjeblief bi'j mi'j
Geleuf niet wat de dokter zee
Of toch, mar laowe vechten
En wees dan iene van de tiene
Die et boven verwaachting reddet

Lig daor mar mooi te wezen
Naost mi'j op je bloemekussen
Et komt goed, ik vuul et
Tegere zuwwe 't redden

Je uterlik is niet zo van belang
Je binnerkaante blift geliek
Ok nao die zwaore daegen

Lao'me naor je kieken
Nog een hiel ni'j leven laank


© Piet/er Bult

N.a.v. et bericht van bostk*nker