Nog tiene

Weeromme naor Gedichten
Weeromme naor Stellingwarfs
Home


Nog tiene

Iens weren d'r een hiele protte die et altied bruukten
Meer buten as in de Ivoren Toren
Mar sund de sSr van 1972
Wodden et de hieltied minder

Vandaege bin d'r nog een stok of tiene die et bruken
De laeste tiene in de Ivoren Toren
Pieter is d'r krek mit opholen
Now bin d'r nog mar negen

Morgen bin d'r nog weer minder die et wel es bruken
De laeste peer in de Ivoren Toren
Jehan die sukkelt al een poze
Zo bin d'r nog weer minder

Ni'je weke bin d'r nog een peer die et wel es bruken
De laeste peer in de Ivoren Toren
Henk die gaot naor Grunningen
Dat is weer iene minder

Nao een maond bin d'r weer minder die et wel es bruken
De laeste peer in de Ivoren Toren
Een Sietske B. en een Doeke D.
De laeste telt mar half

Over een jaor bin d'r weer minder die et wel es bruken
De laeste peer buten de Ivoren Toren
Nao 2009 hool ik d'r ok mit op
Alweer een bruker minder

In twieduzendvuuftien gieniene die et nog es bruukt
Niet binnen of buten de Ivoren Toren
Mar meensken en beleid was goed
Daor het et niet an legen

(...)

Mar och, wat is d'r eins an verleuren
Et gong niet iens om 't Stellingwarfs
Aj' mar schrieven en praoten blieven
In 't Nederlaans, Engels of Chinees
Uutaendelik is 't mi'j om et even


© Piet/er Bult