Ontmoeting

Weeromme naor Gedichten
Weeromme naor Stellingwarfs
Home


Ontmoeting

Ie kommen mien ruumte
en mien bestaon in
kieken niet op,
laoten niks marken.
ie dregen je wereld mit
in je naostroom,
sluier, sleep en
roekerskolk.

We treffen en bienen ont,
alles mag now,
alles versmult.
Ie gaon,
laoten ziepebellen nao,
ze gleensteren
tot ze eupenspatteren,
iene veur iene,
kael en legewi'jd
mien straand.


© Piet/er Bult