Schoelejuffer

Weeromme naor Gedichten
Weeromme naor Stellingwarfs
Home


Schoelejuffer

Kiender, kiender, wat een kiender
en dan ok nog van een aander.
Now, die van de dokter,
ja dat gaot nog wel
mar die van de pietereulieboer,
dat is mi'j d'r toch iene
stinkt een ure in de wiend
en kent hielendal gien menieren
och, hi'j kent en wet zovule niet

zoas lessend weer zien strafwark
ik zegge: schrief mar tien keer op
 1. ik zal et niet weer doen
 2. ik zal et niet weer doen
 3. ik zal et niet weer doen
 4. ik zal et niet weer doen
 5. ik zal et niet weer doen
 6. ik zal et niet weer doen
 7. ik zal et niet weer doen
 8. ik zal et niet weer doen
 9. ik zal et niet weer doen
10. ik zal et niet weer doen

zet hi'j d'r nog een riegel onder:
11. mar ik beloof et niet

tsja, wat moej' now mit zoeniene
dan bej' an 't aende van de dag
bliede daj' naor huus toe kunnen
mar dan lopen daor je eigen tiene
en begint et weer opni'j
de vier hoeken van de kaemer
opzettelik vri'jhullen van meubels
mar staon toch de hieltied vol


© Piet/er Bult