Veurjaor

Weeromme naor Gedichten
Weeromme naor Stellingwarfs
Home


Veurjaor

Hiep krokussien hoi
Hiep sni'jklokkien hoi
't Is meitied.

Hiep raemen eupen hoi
Hiep wasgoed buten hoi
't Is meitied.

De kriebels kriegen
et huus moet an kaant
't Is meitied.

De duffelse naor de stomeri'je
kotte rokkies uut de motteballen
't Is meitied.

De eerste laomer op 'e greide
Et eerste eigien van de kiviet
't Is meitied.

Mar et duurt vaeks niet zo lange
dan ziej' de kivieten gaon
de laomer wodden schaop
kotte rokkies in de motteballen
de duffelse komt uut de kaaste
et huus dat is genoeg an kaant
niks kriebels in je boek
et wasgoed hang ie boven
en de raemen, och laot ok mar

Weer waachten op 'e meitied.
Zo is 't al jaoren gaon.


© Piet/er Bult