Zestiger (2)

Weeromme naor Gedichten
Weeromme naor Stellingwarfs
Home


Zestiger

De gaasten bin weer op huus an gaon
de vlaggies hangen d'r wat verwi'jd bi'j
de belonnen bin haost allemaole leeglopen
et gebak is op, krek as de aandere vreteri'je
de draank warkt een dag laeter nog wat nao
en veerder blift alles bi'j et oolde

     of...

ja, ik vuul mi'j nog lieke goed as eregister
now, et haddelopen wodt wel wat minder
een aende te fietsen gaot wat muuizem
et slaopen naachs wodt ok niet beter
zwaortillen za'k mar niet meer doen

     seins...

vuul ik mi'j dan toch al wat krebentig!


© Piet/er Bult