Augustus

Weeromme naor Rilke
Weeromme naor Klassiekers
Weeromme naor Stellingwarfs
Home


Augustus

Ik lees dit jaorgetiede in stokkies,
et ni’je is d’r of, zwatte gatten
bin de kronen van de bomen in de naacht -
niet zwoel meer, ok niet koel.

Disse tied wodt lomig van warkelikhied:
hier an de walkaante zingen gien moggen,
seins zoemen ze; mien boot is gien kemee
hi’j vergaot krek as et meerste in et meer.

Ik blaeder disse daegen deur en leze van
schreven as versleten in een stroom
zonder veul peren, starven.
Zonder treurspul, de revier.

Toch kan dit ok verrassend wezen, een dooie
vrund veert onder de seizoenen deur.
Ik verwaacht him niet, mar de naacht die
him weerhul gaot deur de bomen.


Piet/er Bult (vertaeling)