Et jaor

Weeromme naor Rilke
Weeromme naor Klassiekers
Weeromme naor Stellingwarfs
Home


Et jaor

Ik leef in de seizoenen mit en zi'j ok
in mi'j. Een rommeltien! - En een saemenhang!
Dus altied overal mien Oold en Ni'j:
de hortensia nog doods, mar wel mit knoppen;

daornao de grune geest weer boven in de
boomkarkassen langs et waeter en ok in mi'j.
Zo leven de seizoenen mit je mit,
an et slot ontkiemt begin en omgekeerd.

Gao ik dood, dan maekt gieniene him zorgen
en wor ik (zonder medeleven) opburgen,
verwelkt de kelender an de mure.

Gieniene. Geknal hangt in de aovendlocht
en over de grachten beulen boten. Symptomen
wodden tot symbolen van mien geboorte-ure.


Piet/er Bult (vertaeling)