25 jaor trouwd

Weeromme naor Lieten
Weeromme naor Stellingwarfs
Home


25 jaor trouwd

’t Is now vuventwintig jaor leden
dat ik jow staon zag en ie mi’j.
We stonnen doe beide op ‘e mark
ieje mit eerpels en ikke mit bri’j.

<refrein>

Van doe-of deden we alles tegere
now al weer vuventwintig jaor.
Wat ié d’r an doen vaalt wel toe
mar mien pat, dat wodt mi’j te zwaor.

<refrein>

We hebben now iene kraom tegere
mit hempies en broekies, van alles wat.
Niet dawwe daor wat uut verkopen
nee, we dregen ze zels an oons gat.

<refrein>

Mar et het mooi west, ik hool d’r mit op
ik gao mit mien lichem uut leuren
want dan kan ik veur etzelde wark
naor ‘k heurd heb aorig meer beuren.

<refrein>

Refrein:
   We deden et overal wao’we mar konnen
   mar awwe et deden tussen eerpels en bri’j
   dan kwam d’r de hieltied mar weer …
   (2^de x) en mar weer …
   (3^de x) en mar weer …
   (4^de x) en mar weer …
   een hiel klein poppien bi’j.


© Piet/er Bult