Toegift

Weeromme naor Lieten
Weeromme naor Stellingwarfs
Home


Toegift

Op brulloften en perti'jen
speulde hi'j meerstal drie uren
mar opiens moch et niet meer
de kroeg die kreeg last mit de buren.

Van blonde lokken en natte traonen
rondomme speulde hi'j et levenslied
mit vaeks ok nog twie extra vassies
dat wodde dan teld as blessuretied.

Nooit es even hoolderd, altied mar deur
meziek maeken, 't leup as et spoor
mar gister, iniens was hi'j uutspeuld
hi'j zingt now bi'j Petrus in 't koor.

Refrein:
   Geef oons nog een toegift
   vreug et volk de hieltied weer
   geef oons nog een toegift
   en dan speulde hi'j weer:


© Piet/er Bult