Streepte schaopen

Weeromme naor Verhaelen
Weeromme naor Stellingwarfs
Home


Streepte schaopen

Jakob, de breur van Esau en beidend zeunen van Isaak, gaot nao et gedonder mit zien breur naor zien omke Laban. Per ongelok(?) trouwt hi’j even laeter eerst mit Lea en nog weer laeter ok mit heur zuster Rachel, die hi’j eins vule knapper vun en vule liever hadde.

As hi’j bi’j slot van zaeke nao meer as twintig jaor es weer naor et huus van zien oolden en veural ok naor zien breur weerommegaon wil mag hi’j veur zien hadde warken, van zien omke Laban wat schaopen en geiten (arbeiderskoenen) mitnemen uut die zien grote kudde. De laeste jaoren bi’j zien omke bruukt Jakob dan om een appat slag schaopen en geiten te fokken. Hi’j dot dat zo neffens Genesis 30:37-41:

Jakob brak doe jonge takken van klaeterjaegers, mangelbomen en platanen en schelde ze zo dat et wit van de takken in strepen bloot kwam. Die ofschelde takken legde hi’j in de drinkerstonnen. As de geiten te drinken kwammen, dan raekten die geiten rits, omreden ze tegenover de bokken stonnen. As ze bi’j de takken besprongen wodden, gavven ze laeter streepte, gespikkelde en vlekte jongen.
De schaopen zette Jakob appat en hi’j zorgde d’r veur dat de koppen bi’j et peren naor de dieren van Laban toe richt weren die streept of zwat weren. Op die meniere fokte hi’j zien  kudden, die hi’j appat van Laban zien vee hul. De hieltied as de starke geiten rits wodden, legde Jakob de takken vlak veur heur ogen in de drinkersbak, zodat ze bi’j die takken besprongen wodden zollen.

Hoe is et toch meugelik dat deur et kieken naor strepen en spikkels tiedens et bespringen van de dieren, de jongen laeter ok streept of gespikkeld op 'e wereld kommen? Zoks is toch eins een vremd verhael..?

Ik geleuf et, ikke niet…


© Piet/er Bult