Strikkies in et haor

Weeromme naor Verhaelen
Weeromme naor Stellingwarfs
Home


Strikkies in et haor

"Hoi, Tomke!" ropt Yana Yu.
"Kiek es wat ik in mien haor hebbe?
Ik hebbe twie ni'je strikkies."
Tomke vint de strikkies hiel mooi.
Daor is Romke ok al.
Romke vint de strikkies prachtig.
"ik wil ok een strikkien," zegt et hontien.
"Een strikkien in mien stattien."
Tomke vuult an zien haorties.
"Ik wil ok iene," zegt hi'j dan.
Mar hoe kommen ze now an strikkies?
"Ik weet wat!" ropt Romke opiens.
"op de hoed van Kornelia zitten strikkies."
Ze draeven et huus in.
An de kapstok hangt een hoed.
Een hoed mit bloemen en strikken.
Et is de hoed van Kornelia.
"ik hebbe de hoed al," ropt Tomke.
Hi'j trekt an de strikken.
"Ie moe'n een schere hebben," zegt Yana Yu.

Tomke haelt de schere uut de keuken.
Knip. knip, knip, dot de schere.
Iene strik is los.
Yana Yu bint die om de haorties van Tomke.
"Now ikke," ropt Romke.
Knip, knip, knip, dot de schere weer.
Nog een strik los.
Die is veur Romke.
De honnestat gaot henne-weer-denne.
"Stille staon!" ropt Yana Yu.
Even laeter het Romke ok een strikkien.
Mit zien drienend staon ze veur de spiegel.
"Et liekt wel feest," zegt Romke.
"Wat biwwe mooi!" zocht Tomke.
"En wat bin jim ondeugend!" zegt Kornelia.
"Mien hiele hoed is verinneweerd.
Hoe moet dat now?"
Tomke draeft de kaemer in.
En hi'j komt weeromme mit... zien speerpot.
"Veur jow, Kornelia!" ropt hi'j vlogge.
"Dan kuj' weer ni'je strikkies kopen!"


Piet/er Bult (vertaeling)