Diervrundelik

Weeromme naor Essays
Weeromme naor Stellingwarfs
Home


Diervrundelik

D'r wodt een protte eten in de Biebel. Om de drie bladzieden wodt d'r wel wat lekkers klaor- of toemaekt. In Genesis 27 bi'jglieks is et ok weer raek. De oolde Isaak vragt an Esau om mit zien pielke en boge et veld in te gaon om zien vader nog ienkeer een lekker bod mit braoden wild veur te zetten. De vrouw van Isaak, Rebekka, hadde heurd dat Isaak dat an Esau vreug, en ze zee tegen heur liefste zeune, Jacob, dat hi'j mar vlogge naor et laand gaon mos, en haele twie bokkies uut de kudde. Twie malse bokkies. Die zol zi'j dan wel es even lekker toemaeken veur de oolde baos.

Mar waoromme weren daor now twie bokkies veur neudig, vreu'we oons of. Waoromme twieje? Twie van zokke bokkies zit toch een wereld vleis an waor et halve dörp wel van miteten kund hadde? Ok al zol et alliend om et lekkerste stokkien vleis van bokkien gaon, dan kon die oolde bliene man die an 't aende van zien leven is, dat toch gienertied allemaole naor binnen warken, zoj' zeggen..!

D’r wodt wel es zegd dat de Biebel vrouwonvrundelik is en dat de Biebel niks van homesuelen hebben moet, mar de Biebel is zo now en dan ok grif (ok) niet diervrundelik...


© Piet/er Bult