Een wereld is gek

Weeromme naor Essays
Weeromme naor Stellingwarfs
Home


Een wereld is gek

Een slompe geld neudig hebben om nog vule meer armoede te kweken
Een tillefoon die opneumen wodt deur een tillefoonkompjoeter
Een verpakking die meer inhoold het as de inhoold van de verpakking
Een gevecht om overal op de wereld de lieve vrede te beweren
Een hekke om bezit te bescharmen dat nooit eigendom wodt
Een gelosie dat tied angeft die we niet hebben
Een brief die deur spelling en woordgebruuk onleesber wodden is
Een bloempien wodt ofsneden as die op heur mooiste bluuit
Een kompjoeter die mit al zien snelhied 't wark allienig mar vertraogt
Een schilderi'je vaeks maekt wodt om ni'je varve kopen te kunnen
Een auto die meer uutstoot en anstoot geft as veuruutgaank
Een uutsmieter die bi'j de deure staot om meensken binnen te laoten
Een fietser die zien fiets achterop de auto kneupt om een aentien te fietsen
Een jaeger die beesten ofschiet veur et behoold van de soorte
Een ambtner die niks aanders wet uut te voeren as zien macht
Een baank die niet lient an meensken die et et hadste neudig hebben
Een fusie nao een fusie om minder busen mit meer vullen te kunnen
Een kiend dat langer mit de verpakking speult as mit de inhoold van 't kedo
Een schoelmeester schoelmeester wodt omdat hi'j zels niet wiezer is
Een slimmerik die veural niet boven et mi'jveld uut stikken mag
Een topbaene mit een topsalaoris mar niet behept mit kunde of kennis
Een dood- en verdarfzi'jer die in honderd uren zien straf uutzit
Een cannedees die besies doodknuppelt omreden ze een mooi vellegien hebben
Een vakbondsman mit commisaoriaoten bi'j grote multinationals
Een geleuf dat alliend op zundagmorgen nog vlogge even beleden wodt
Een luustervinke vaeke meer verteld dan dat hi'j ooit heurd het
Een gruune energie zodaj' d'r mar meer van bruken zullen
Een fesien pas een echt feest is as d'r dooien valen
Een huus dat ofbreuken wodt omdat een deure twie centimeter te smal is
Een gevuul daj' nooit vulen zullen omdaj' d'r gien gevuul veur hebben
Een mooie auto veur de deure mar eerst op de fiets om bezine te haelen
Een deuredranger op de deure om die veural stief dichte te holen
Een bellegien uut beleefdhied mar niet uut waarme belangstelling
Een eigen gruuntetuun waor aj' wegens vergif niet meer uut eten kunnen
Een boekkaaste vol mit boeken omdat dat zo intellegent andöt
Een draankien mit wat minder alcohol veur de kleinties om alvaast te wennen
Een zuuiteholder waor zoere kiender mit maekt wodden
Een bejaordenhuus waor oonze oolden wat uut et zicht holen wodden
Een slankhiedspillegien om nog wat vetter eten te kunnen
Een broek die votsmeten wodt omdat d'r een knope ofmist
Een smeerlap mit een witte boord en schone hanen
Een hontien o zo lief mar niet mit op vekaansie
Een antwoord dat wel drie ni'je vraogen opropt
Een klootzak ziej' vaeker zonder as mit ballen
Een bestuur meer tegen de leden as d'r veur
Een karkeklokke die niet meer luded omdat et ding te vule kebaol maekt
Een deure die eupen heurt wodt vaeks veur je neuze dichtsleugen
Een trekker zoe groot dat een aandere trekker him trekken moet
Een brommer bedoeld om te brommen mar et liefst zonder geluud
Een strik om een kedoogien niet belangrieker as de inhoold
Een golfbaene die niet bestaot om 't edele spul mar om et netwarken
Een laampe die gien locht meer geft omreden et budget op is
Een direkteur die eerst de eigen busen volpropt en dan niks meer geven kan
Een psichiater die vaeke zels meer hulpe bruken kan dan dat hi'j geft
Een journalist die meer kilometers maekt as stokkies veur de kraante
Een dokter die niet beter maekt mar as een haandwiezer deurverwiest
Een kiepeboer die kiepen voert om ze even laeter op te laoten rumen
Een voetbalder die overal tegenan schopt behalven tegen een balle
Een haddeloper die de hieltied hadder lopt mar nargens henne gaot
Een verkoper die meer inkopen dot as dat hi'j ooit verkopen zal
Een inbreker lieke vlot inbrekt in et zwaorst beveiligde gebouw
Een bakker die brood niet as behoefte mar as snuusteri'je verkoopt
Een pliesie die gien boeven vangt mar meer an begeleiding dot
Een visker die meer bi'jvangst het as vis waor hi'j op visket
Een agent mit laank haor die et vekeer gewoon op zien beloop lat
Een doomnie die alliend nog veur eigen perochie preekt
Een snelle-jonge die mar niet snapt waorom hi'j niet veuruut komt
Een brandweer die deur gebrek an schoon waeter gien braand meer blust
Een verzekerder die as 't even kan niks meer geft veur meenskelevens
Een organisaosie die alliend in 't leven roepen is om te organiseren
Een gemientehuus niet geliek an de huzen mar veer d'r bovenuut
Een rookvri'j ruumte zodat d'r gien aole meer rookt wodden zal
Een koffieshop waor aj' nog gien paantien koffie kopen kunnen
Een binnerweg die meer as heufdslagaoder gebruukt wodt
Een kroechien waor aj' niet te vule drinken meugen
Een ziekenauto die van veerder weg kommen moet as dat d'r nog levend is
Een belastingbetaeler die et meerste betaelen moet mar daor onderuut kan
Een vrommes vaeke naor aandere dan naor heur eigen kerel ommekiekt
Een moeke die kiender grootbrocht het wodt opsluten veur 't gemak
Een klant die niks koopt mar alliend nog mar komt om te kieken
Een bri'jer die gien naelden en draod bruukt mar een bri'jmesiene
Een man die meer vrouludewark doet omdat et moet en aandersomme
Een dokter die liever pillen verkocht as wieze raod
Een stillezitter die meer in beweging is as dat hi'j stille zit
Een chaoot die orde scheppen wil en zal in een grote vertiezing
Een zwatwarker vient gien wark omreden hi'j gien tied over het
Een raodsman die alliend nog raod geft om himzels te verrieken
Een besmette die in die wetenschop nog meer meensken wat andot
Een ideaolist die de hieltied zuken moet naor ni'je ideaolen
Een juppie die altied te berieken is mar nooit beriekbaor is
Een slachtoffer die vaeks as grootste boef behaandeld wodt
Een beste van de klasse die laeter in de geute terechte komt
Een helpdesk die helpt deur et perbleem nog vule groter te maeken
Een europese unie die in staand holen wodt deur duzenden tolken
Een emotie in disse koolde tied niet utert mar juust onderdrokt wodt
Een liefde van twie kaanten komt en waorin toch kwaodzin kweekt wodt
Een leugen om bestwil wel mag as et de waorhied gien geweld andot
Een hartstocht die aj' niet tonen meugen deur traonen
Een pattie spullen wodden maekt veur de handel mar niet om te bruken
Een bestelling die niet uutleverd wodt mar vervongen wodt deur onnut
Een aftrekpost vaeks niet oftrokken wodt omreden et zwat betaeld is
Een vloggertien waor aj' een hiele dag over doen meugen of moeten
Een kemiek die dingen dot of zegt waor vaeks niks om te lachen valt
Een pi die mar nooit op nul uutkommen wil
Een naeme van een hooggeleerde ome die gien naeme hebben mag
Een praoter vaeks zels een biezunder slechte luusterder is
Een trouweri'je om toch mar scheiden te kunnen
Een riegel wodt zo vaeke overschreden dawwe de riegel mar anpassen
Een zakkewasker die zien lat dat et lange leden is dat hi'j him wasken het
Een lust veur 't oge waor aj' niet naor kieken meugen
Een buro waor niet an warkt wodt mar waor de paperassen zich opstaepelen
Een liefhebster die et niet om de liefde dot mar uut liefde veur et geld
Een kwattien die nog gien dubbeltien meer weerd is
Een bouwboer een vergoeding hebben wil bi'j natte mar ok bi'j dreugte
Een dienstmaegien die allange gien maegien meer is
Een opzichter die niks zigt mar d'r wel mit de hanen in buse bi'j staot
Een bouwvakker gien huzen meer bouwt mar dat dat daon wodt deur ww'ers
Een katte die et niet in de eigen mar wel in aandermans tuun doen mag
Een oplossing andregen veur een perbleem dat er niet is
Een keunstemaeker die een schilderi'je maekt omdat et moet veur zien bkr
Een spullegien dat niet mitmekeer speult wodt mar mit de kompjoeter
Een koe die gien koe meer hieten mag omreden hi'j gien horens meer het
Een hulpien die meer wark verzet as degene die hi'j helpen mos
Een schostien die bouwt is om te roken mar dat niet meer mag
Een vies boekien dat wat graeg mit beide hanen an pakt wodt
Een veeboer die meer subsidie beurt as priezegeld veur de melk
Een camping allienig nog weglegd is veur de bovenmodaolen
Een autobaene ofsluten om ok es bi'j de filemeldings nuumd te wodden
Een iene die tegere mit nog iene niet altied twie meer is
Een architekt die mooie dingen daelezet die niet om an te zien binnen
Een grafdelver die stoker wodden is bi'j 't krimmetorium
Een riebewies om an te tonen daj' toch wel rieden kunnen
Een grote versaemeling die neudig es opruumd wodden moet
Een ambtner niet veur de burgers mar meer veur de riegelties
Een akkefietien dat nooit uutpraot wodden zal
Een vetpannegien die niet meer veur et vet bruukt wodden mag
Een perbleem maeken waor gien oplossing veur te bedaeken vaalt
Een spookofschrieving die mar nooit teroggekregen wodt
Een bolle die 't niet mit een koe mar een stellaosie ofdoen moet
Een dummy as beveiligingskamera bi'j hiele dure spullen
Een sloot waor nooit gien waeter weer deurstromen zal
Een levensgenieter vaeks et meerste geniet van andermans ongemak
Een pepierversnipperder vot achter een kopieermesiene
Een rooie loper die wel uutlegd is mar niet veur jow
Een knotwilge die uut gemakzucht niet meer knot wodt
Een bliksem die hoe langer hoe vaeker ofleided wodt
Een postbode die gien bode meer is mar een hadloper
Een kienderbescharming die veural heurzels bescharmt
Een sukerklontien dat je nog zoer opbreken kan
Een verlangsten die mar niet beantwoord wodden
Een paoskebulte die niet ansteuken wodden mag
Een bestemmingsplan wat definitief wodden is
Een betoog van een hoge ome dat mar niet ophoolt
Een verkochtte appel die zuuite wezen zol mar slim zoer smaekt

Een wereld is gek... en daor bin ik pat van!


© Piet/er Bult