Taelspullegien
Weeromme naor Essays
Weeromme naor Stellingwarfs
Home
Taelspullegien
Wa'j neudig hebben:
- Een stok bodpepier (et liefste rond mit een deursnede van ong. 50 cm)
- Een protte kleine kaorties of briefies (ong. 2 bi'j 5 cm)
- Iene dobbelstien
- Veur elke speulder een pionnegien
- Iene of een hieleboel (mit)speulders
Wa'j maeken moeten:
- Maek zovule as mar meugelik is (honderd of meer) kaorties mit an de
iene kaante een nederlaans woord (of kot zinnegien) en an de ere kaante
de vertaeling in et stellingwarfs van dat woord (of kotte zinnegien).
- Maek een speulbod van et (rondknipte) bodpepier mit -deurlopende-
nummerde vakkies van iene tot ??? (zoveule as d'r op
kunnen).
De speulriegels:
- Schudde de woordkaorties goed deurmekere. Wat kaante onder of boven ligt is niet van belang.
- Verdele de kaorties deur ze -mit de wiezers van de klokke mit- iene
veur iene naost (of op) een nommer op et speulbod te leggen.
- Gooi omstebeurten mit de dobbelstien om te bepaolen wie as eerste
beginnen mag. Wie et hoogste (1 - 6) gooit mag beginnen. Bi'j geliekese
punten moet d'r deur die gooiers overgooit wodden. Dit overgooien moet
deur gaon tot dat d'r iene hoogste overblift.
Et speulen:
- De dielnemers gooien omstebeurten mit de dobbelstien en tellen hun
pion zovule vakkies op et speulbod veuruut (van iene naor ???) as
hi'j/zi'j ogen gooit het.
- Zette je pion op dat vakkien en leze et woord (of kot zinnegien) van
et bovenste woordkaortien van et staepeltien dat bi'j dat nommer heurt.
- Vertael dat woord (of kot zinnegien) in de tael an de niet zichtbere
onderkaante (zonder eerst die onderkaante te bekieken vanzels).
- A'j de vertaeling luud en duud'lik bekend maekt hebben an de
mitspeulers, dan moe'j dat kaortien ommedri'jen om te kieken of jow
antwoord klopt mit et antwoord op et kaortien.
- As et antwoord goed is dan zet ie jow pionnegien nog een keer
zovule vakkies veuruut a'j mit de dobbelstien gooit hebben.
Et kaortien dat naost dat nommer ligt, hi'j in dit geval veerder niks
mit te maeken.
- As et antwoord niet goed is dan zet ie jow pionnegien krek lieke
veer terogge a'j eerder gooit hebben. Et kaortien dat naost
dat nommer ligt hi'j in dit geval veerder niks mit te maeken.
- Bi'j een goed antwoord wodt et kaortien uut et spel haelt. Et doet niet meer mit.
- Bi'j een verkeerd antwoord wodt et kaortien -deur de speuler van dat
mement- op een zels te kiezen plak (naost een willekeurig nommer) op et
speulveld legt mit dezelde kaante boven. As d'r nog een kaortien bi'j
dat nommer ligt dan moet et kaortien wa'j teroggeleggen onderan et
staepeltien legt wodden.
- A'j, nao et gooien mit de dobbelstien, op een nommer kommen daor
gien kaortien meer (naost) ligt dan meu'j daor vri'j staon
om op jow volgende beurt te waachten.
De winner:
- Degene die et laeste woordkaortien op de goeie wieze vertaeld het is de winner van et spul.
Variaosies:
- In 't plak van kaorties mit woorden of zinnegies ku'j ok
(historische) Stellingwarver gebeurtenissen, boektitels en de
schriever/ster, meensken of beroemde plakken in de Stellingwarven
beschrieven.
- As winner kan ok degene anwezen wodden die niet as laeste mar de meerste antwoorden goed had.
© Piet/er Bult