Eerpel

Weeromme naor Etymologie
Weeromme naor Stellingwarfs
Home


Eerpel

Et oolde woord 'eerpel' zegt eins (in et Nederlaans): appelvormige vrucht die niet aan een boom groeit. Onder eerpel wodde hiel vroeger ok de komkommer rekend, de augurke en alderdeegst de pompoene. Allemaole appelachtige vruchten die niet an een boom gruien. Allemaole eerpels, eerder ok wel: ërdaphul, ërdephil nuumd en vandaor ok de Nederlaanse naeme aardappel of oonze eerdappel, eerappel of neffens et Stellingwarfse Woordeboek, eerpel. Dat een eerpel ok wel een hoonsappel nuumd wodde, het liekwels niet al te lange duurd krek as bosbiete en cyklame.

Rond 1600 kwam de patate, ok wel potato uut Amerike overwi'jen. Even daorveur nuumden wi'j hiere de eerpel ok nog een schoffien een grondpere, mar dat het ok niet lange volholen. Van die Amerikaanse potato bleek trouwens dat daor ok hiele beste braandewien van stookt wodden kon. Saemen mit soep, een flink stok vleis en wat grauwe aten wodde de eerpel verheven tot heufdgerecht van de daegelikse boerepot.


© Piet/er Bult