Bi'j de kapper
Weeromme naor Gedichten
Weeromme naor Stellingwarfs
Home
Bi'j de kapper...
Goeie morgen
ok goeie morgen
bin d'r een protte veur mi'j?
nee vaalt wel wel toe heur
komme d'r mar in
mar daor zitten mi'j nog al een peer
ja mar de meersten die heuren bi'jenneer
en d'r hoeven mar ien of twieje van
knipt te wodden
ohn...
et liekt wel aorig mit et weer now?
ja et liekt wel aorig mit et weer
en gister gong et ok wel wel now?
ja en gister gong et ok wel
wie is d'r an de beurt
mar weer krek zoas et zat?
hi'j't al heurd van Gesien?
nee, vertel es
now et praotien gaot
over Gesien
ja over Gesien…
zo en wie is d'r now an de beurt?
now dan ikke mar haost, daenk'
mar weer krek zoas et zat?
de scheiding links van 't midden?
hi'j't al heurd van Gesien?
oren winkbrouwen en neuze ok mar even?
nee, laot dat mar zitten
'k gao daolik toch nog naor de kapper
mar daor bi'j now toch al?
ohn...
mar de veurige keer da'k hier wegkwam zee de vrouw
en wanneer zuj' now es naor de kapper?
mar ik hoefde doe
de kamme d’r alliend mar deur te haelen
ohn...
now doe dat dan now ok mar weer.
© Piet/er Bult
Veur RWC, Huus en Hiem