Dichten
Weeromme naor Gedichten
Weeromme naor Stellingwarfs
Home
Dichten
De iene die dicht gatties
Een ere die dicht een gedicht
De iene die prakt prakkies
Een ere die prakt d'r wat in omme
De iene die poept poepies
Een ere die poept grote hopen
De iene die lopt lopies
Een ere die lopt mar wat omme
De iene die springt sprongen
Een ere die springt ok wel es mis
De iene die begint een begin
Een ere die begint an 't aende
De iene die bargt een barge
Een ere die bargt nooit wat op
De iene die bödt op en bod
Een ere die bödt d'r tegen op
De iene die bidt bi'j et bieden
Een ere die bit mit zien tanen
De iene die bient bienten
Een ere die bient mit touw
De iene die blodt bloed
Een ere die blodt dood
De iene die blift kot
Een ere die blift wat langer
De iene die brekt breuken
Een ere die brekt een braandkaaste eupen
De iene die brengt broggies
Een ere die brengt d'r niks van terechte
De iene die brödt op bruudsels
Een ere die brödt op een plan
De iene die buugt bogen
Een ere die buugt zien heufd
De iene die daenkt gedachten
Een ere die daenkt d'r niet bi'j nao
De iene die dot dinkies
Een ere die dot niks
De iene die dreegt dracht
Een ere die dreegt gewoon kleraosie
De iene die drinkt draank
Een ere die dringt him zels op
De iene die et aten
Een ere die at etten
De iene die gaot gaonde
Een ere die gaot niet
De iene die geft giften
Een ere die geft gaoven
De iene die giet in geuten
Een ere die giet et boven de pette
De iene die stikt steken
Een ere die stikt d'r naost
De iene die ...
Een ere die ,,,
© Piet/er Bult