Een moeke starft

Weeromme naor Gedichten
Weeromme naor Stellingwarfs
Home


Een moeke starft

Een moeke starft altied te gauw
omdaj' - al woj' ok nog zo oold -
je moeke eins niet missen kunnen
en daj' weten dat ze van je hoolt.

En as de dag komt van heur dood
de koolde over 't karkhof trekt
weej' dat ze liever nog wat blieven wol
omdat ze van je hoolt.

Een moeke starft altied te gauw
al wodt ze nog zo oold
ie hopen mar dat God heur speren zal
omdaj' zo van heur holen.

Mar as de dag komt van heur dood
en al wodde ze ok nog zo oold
dan hoop ie dat ze 'daor' now is
omreden Hi'j van heur hoolt.


© Piet/er Bult