Gemienschopszin

Weeromme naor Gedichten
Weeromme naor Stellingwarfs
Home


Gemienschopszin

As Vormendichter vraog ie mi'j
naor et nut van gemienschopszin?
Daor daenk ik zo et mienes van.
Spietig genoeg stao'k vaek' allienig.

Nee, vraog mi'j dan as Zuni-Indiaan.
Gemienschopszin zit oons in 't bloed.
Wi'j bin al eeuwenlaank verdreegzem.
'n Zunig bestaon, dat is oons behoold.

As Che Guevara nog es mit doen kon.
Oons idool, ok al weer van lange leden.
Boeid deur 'n positief gemienschopszin.
Striedend ten-onder, zonder eigenbelang.

‘n Degelik volk mit heur rituele daansen.
Bewust mit et aksent op gemienschopszin.
Een beleving mit hoge kulturele weerde.
Jammer, ’t liekt een mythologisch veurval.

Waor vien ie nog een Domela of Pieter Jelles
Hieltied op de barrikaden veur gemienschopszin.
Niks, een betien stelen mag, en soms een protte.
Eerlik dielen, mekeer helpen, wodde oons doe leerd.

Gemienschopszin in ‘t leven dat hoolt toch
As meenske in daj' niet alliend in’t leven staon.
Och, grote boef en ie ok, kleine krimineel.
Jìm norms en weerden, die zullen et nooit winnen.


© Piet/er Bult