Hooglied

Weeromme naor Gedichten
Weeromme naor Stellingwarfs
Home


Hooglied

je lippen op mien lippen
die aai over mien heufd
et smaekt zuter as wien
dronkend wor ik van je tuties

gao mit mi'j mit
laot mi'j kommen in jow kaemer

zwat bej' mar prachtig
de zunne het je beschenen
mooiste van alle vrouwlu
prachtig je neuze je oorties
om je hals een parelsnoer

ie roeken as de lekkerste parfum

daorom hool ik van jow
zie mi'j d'r niet op an
mien ziel hoolt van je
lao'me een ketting van goold veur je maeken
mit stippies van zilver d'r in
een hanger, mien foto
tussen je bosten
een waarm gevuul

laot oons liggen op een bedde van gruun
een lelie bej' tussen stiekels
een zuuite appelboom in et bos
ik begere je schaad
ziek bin ik, ziek van liefde
de bloemen laoten heur zien op et laand

de zoemer is kommen
et koeren van een tottel
mien doefien gao mit
laot mi'j uren naor je kieken
luusteren naor je geluud
je stemme zo zuuite
je gezichien zo glad

veurdat de dag komt
dat je schaad van mi'j gaot
ik zuuk in de naachten
de geliefde van mien ziel


© Piet/er Bult