Iesklub
Weeromme naor Gedichten
Weeromme naor Stellingwarfs
Home
50-jaorige iesklub
Wi’j bin now al vuuftig jaor
En zonder een bien te breken
Gao’we as ’t even kan et ies op
Want we zitten nog vol mit streken
Een streke naor rechts, een streke naor links
As iederiene zit te klumen
Mit wat hoolties bi’j et vuur
Dan haelen wi’j de scheuvels
Uut ‘t vet en gaon op aeventuur
Een streke naor rechts, een streke naor links
Awwe bi’j jow langes glieren
Dan heur ie et soms kraeken
Misschien kuj’ dan mar beter
Jezels uut de voeten maeken
Een streke naor rechts, een streke naor links
Zoemers dan warken wi’j hadde
En doen wi’j oonze zaeken
Dan kuwwe bi’j de winterdag
Opni’j oonze streken te maeken
Een streke naor rechts, een streke naor links
Ies op sloden en op vaorten
Wi’j kennen et allemaol
En hier en daor een broggien
Is veur oons gien hinderpaol
Een streke naor rechts, een streke naor links
En zo hiel now en dan
Kriegen we o zoe’n nocht
Want dan gaot et warkelik an
Dan rieden wi’j de Elfstedentocht
Een streke naor rechts, een streke naor links
Wi’j bin now al vuuftig jaor
En zonder een bien te breken
Gao’we as ’t even kan et ies op
Want we zitten nog vol mit streken
Een streke naor rechts, een streke naor links
© Piet/er Bult, jannewaori 2008