Ik zie, ik zie

Weeromme naor Gedichten
Weeromme naor Stellingwarfs
Home


Ik zie, ik zie

A'k naachs in 't slimste duuster
butendeure en naor boven kiek
naor de steerns en naor de maone
dan wo'k stille
stille in 't hatte.

A'k daegs op et hoogst van de dag
gewoon es om mi'j henne kiek
naor de wolken en de zunne
dan wo'k stille
stille in 't verstaand.

Ik komme te kot
te kot an benul
ik vraoge mi'j of
wie het dit maekt en
waor gaot dit henne?

A'k dan onder de meensken bin
de meersten een protte verstaand
ik zie et kommen en votgaon
et gaot zomar an mi'j veurbi'j
ik zie et gewoon gebeuren.

Dit gevrot leidet tot niks
et dot gien vertuten
niks smiet et op
et moet aanders, et zal, mar
moet ik niet? hoef ik niet?


© Piet/er Bult