Kultuurnota
Weeromme naor Gedichten
Weeromme naor Stellingwarfs
Home
Kultuurnota
in de tuun van 't schrievershuus in Berkoop
komt vaaste een bottien: dit gebouw is te koop
de sSr zit daor now nog, mar nog mar hiel even
dommiet gaon ze as baentiesman deur et leven
ze bin van doel om now naor Oosterwoolde
en kiek, hi'j wol niet altied deur de koolde
en daorom is Pieter krekleden al verhuusd
dat het hi'j vanzels eerder al es bepluusd
mar hoe komt et now mit al et vertaelen
VVV-folderties, riempies, kotte verhaelen
zo biesterbaorlik vlogge gong et al niet
douk baentiesman, die kennen 'warken' toch niet
now ja, van negen tot viere d'r wezen
en dit even deur en dat nog even lezen
we moe'n d'r mar niet tevule op stennen
want ze zullen daor wel hiel vlogge wennen
as baentiesman nog ienkeer en dan het et mooi west
gien Stellinwarfs onder diel III van 't haandvest
behalven Henk lat onderhaand alleman 't ofweten
tsja, dan is 't gevolg, we kun et wel vergeten
in de tuun van 't schrievershuus in Berkoop
komt vaaste een bottien: dit gebouw is te koop
de sSr zit daor now nog, mar nog mar hiel even
dommiet gaon ze as baentiesman deur et leven
© Piet/er Bult