Laeter is now
Weeromme naor Gedichten
Weeromme naor Stellingwarfs
Home
Laeter is now
Waor wi'j' op waachten
totdaj' wat zeker weten
krek as dat bestaot en
zekerhied geft
is iedere sekonde niet
een meugelik ure 'U'
waoromme nog waachten
waoromme now niet
Wat hoolt je tegen
wat maekt je bange
dat wikken en dat wegen
ie blieven an de gang
ie stennen nog wat omme
en wat hej' dan
dan is alles weer aanders
en komt et d'r niet van
Laeter bestaot niet
ie weten hoe dat gaot
laeter, moej' niet doen
laeter is vaeks te laete
Dat, doe zoaj' zels willen
en neme je besluut
daenk ie et te weten
komme d'r dan veur uut
laot ze niet raoden
naor waj' bedoelen
laot et ze weten
hoe aj' et vulen
Laeter bestaot niet
ie weten hoe dat gaot
laeter, moej' niet doen
laeter is vaeks te laete
Is niet iedere sekonde
een meugelik ure 'U'
laeter bestaot niet
laeter dat is now
© Piet/er Bult
(vri’j naor De Dijk)