Lieve Rita
Weeromme naor Gedichten
Weeromme naor Stellingwarfs
Home
Lieve Rita
Hoe veer zuj’ gaon
Zuj’ nog veerder gaon
Zoveer zuj’ toch niet gaon
Eerst zo now en dan es iene
Even laeter wodden dat een peer
Now bin et honderden, ja duzenden
Die iene moch wel blieven
De twiede kon d’r ok nog bi’j
Mar al die honderden, die duzenden
Hoe veer zuj’ gaon
Zuj’ nog veerder gaon
Zoveer zuj’ toch niet gaon
Weeromme naor heur laand
Verminkt deur oorlog of geweld
Kom, lao’we ze weerommesturen
Kiender hiere, moeke daore
Man of vrouw, wat maekt et uut
‘t Wodt oons te duur, hier weg, gao vot
Hoe veer zuj’ gaon
Zuj’ nog veerder gaon
Zoveer zuj’ toch niet gaon
Goelen, piene en hatzeerte
Lange verhaelen, mooie praoties
Ter Apel, Schiphol en Verweggiestan
© Piet/er Bult