Loezer
Weeromme naor Gedichten
Weeromme naor Stellingwarfs
Home
Loezer...
Nog veur da'k mien kaorten
zien hadde en de punten
teld eupende ik
ik eupende drie klaover
dat leek me een groots begin
die nao mi'j kwam
die paste
dat keus hi'j wellicht
as beste om mi'j
om mi'j of te troeven
die tegenover mi'j die
die besliste
hi'j beud wel viere
ok klaover gelokkig mar
ik hadde gien iene
hi'j seins alle achte
te minste dat docht ik
de volgende die dubbelde
doubleren in jargon
ik begreep d'r niks
mar dan ok niks
meer van en paste
...
dat ha'k now niet
krek now niet doen moeten
naodat iederiene uutteld was
moch ik de dummy wezen
gelokkig mar
gelokkig mar
want ik kon d'r toch
eerlik waor niks
mar dan ok niks
an doen
alle spul daornao
en ok nog laeter
za'k je besperen
'k hebbe now gien vrunden meer
hielendal gien kammeraoden
hi'j kon et niet verdregen
en dummy's meugen now ienkeer niet
dummy's meugen niet gelokkig wezen.
© Piet/er Bult