Ooldemunnike in de warre
Weeromme naor Gedichten
Weeromme naor Stellingwarfs
Home
Ooldemunnike in de warre
Hi'j't al heurd
In Ooldemunnike
is 't in de warre
De vrouw van Geert zien breur
is d'r mit de melkboer vandeur
En Jan van Gesien is zien mit
die is zien mit de vrouw van de smid
en bi'j Koos en Jantien is een gaslek vunnen
En Jan Spitskool, ie weten wel de gruunteboer
zien auto wol gistermorgen niet anslaon
hi'j is doe mit peerd en waegen de weg uut gaon
doe hi'j in et dörp ston te venten, op et P-plak
kreeg hi'j zomar een bekeuring want
hi'j hadde gien P-kaortien kocht
temeensten niet aachter et raem plakt
mar ja, hadde Jan doe zegd hoe
plak ie now een P-kaortien op een peerdeheufd
De beide kleine maegies van Kees en Coba hebben vanaacht
mit de meester van de schoele in et kolehokke zeten
ze zeggen wel dat hi'j van kiender hoolt mar
naachs hoej' ze toch gien les te geven
© Piet/er Bult