Opruming

Weeromme naor Gedichten
Weeromme naor Stellingwarfs
Home


Opruming

Vandaege, de laetste dag dit jaor
he'k in een winkel veur mi'jzels
een lege vulliszak 'e kocht
alfabetisch ordend stop ik
al mien onvoltooide wark daorin

'k hebbe nog gedichten
karrevrachten proza
en titels van een protte boeken
die 'k nog es schrieven gao

'k zet hem vri'jdag op 'e stoepe
waacht dan aachter et raem of
hoe de auto mit een grote passe
saemen mit et wark van aanderen
d'r ién groot pakket van maekt

toedekt onder een laogien grond
zal mien wark nog lange bestaon blieven
of gaot de gloeiend hiete vlamme d'r in
stiegt et aroma van mien pennestreken
wellicht asnog naor grote hoogte

hoe dan ok
ik hebbe veur mi'jzelf vandaege
een grote lege vulliszak 'e kocht


© Piet/er Bult