Poletiek

Weeromme naor Gedichten
Weeromme naor Stellingwarfs
Home


Poletiek

A'k in een taxi stappe
dan vragt de sjefeur
waor gao'we henne
zo niet de poletiek
die zegt me wao'we hennegaon

et ienigste wa'k daor an doen kan
is stemmen, iens in de zoveul jaor
dat he'k al pattietoeren daon
niet dat et wat hulpen het
't is altied aanders gaon

ze zeggen: kom hier mar mit je sores
dan praoten we d'r es even over
'k hebbe ze d'r niet weer over heurd
ze hadden et drok mit eigen mores

et gaot altied over de poppies
mit een hiel dik traktement
perblemen bin veur kemmissies
bedocht veur 't zelsbehoold

doe mi'j bi'jglieks et almansrecht
alles mag, inkeld mag wat niet
hier et laand van mag niet
de wereld op zien kop

A'k in een taxi stappe
dan vragt de sjefeur
...
d'r zollen meer sjefeurs
de poletiek in moeten


© Piet/er Bult

Veur RWC, Huus & Hiem