Twie maegies
Weeromme naor Gedichten
Weeromme naor Stellingwarfs
Home
Twie maegies
Twie maegies
dat neem ik temeensten mar an
want ze zien d'r niet uut as een man
uut Hollaand
dat neem ik temeensten mar an
want ze praoten zo over de greens
wel aorig
dat neem ik temeensten mar an
want ze bin beide goed te plak kommen
en slim
dat neem ik temeensten mar an
want ze weten et beide de hieltied beter
ok baandig
dat neem ik temeensten mar an
mar dat is geleuf ik Hollaanders eigen
babbelmussen bin et
dat neem ik temeensten mar an
dat kowwe krek ok al een betien vernemen
(…)
mar et bin ok beelden
biezunder mooie vrouwlu
jammer dat dit radio en gien tillevisie is
en aentienbesluut
bin ze de baos in huus
mar is dat niet overal geliek?
© Piet/er Bult