Twielochten

Weeromme naor Gedichten
Weeromme naor Stellingwarfs
Home


Twielochten an et wiede van de Scheene


Laand waeter aovendlocht
meulewieken en karketorens as
passe-partout om de laeste zunne sneden
et wonder van alle leven trekt naor et schaad
an ginne kaante van de naacht

in de lichte dieze manluden
drok doende in een botien
mar ik zie Him niet
et zullen grif gien viskers wezen

stikmoggen gaon op bloed- en
zwelver op stikmoggejacht
een boertien lat zien trekker waeterspi'jen
over et onvolgruuide roggeveld

et rokt naor laete melk en grune hunning
de maone komt halfwas naost mi'j op et baankien zitten.


© Piet/er Bult