Variaosie op een postzegel
Weeromme naor Gedichten
Weeromme naor Stellingwarfs
Home
Variaosie op een postzegel
Hej' ok even een gedichien veur mi'j?
Te lien, te koop, hoe woj'm hebben?
:Now, doe eerst mar iene op pebeer.
Een gedichien van zeuven stuver?
Of haj' wat aanders in 't heufd?
:Now, doe eerst mar iene op pebeer.
Wi'j' een abc-gien, een acrostichon?
Een ballade, een anapest of canto?
:Now, doe eerst mar iene op pebeer.
Bi'j' een man veur een minnedicht?
Een muze, of gewoon een limmerick?
:Doe eerst mar iene op pebeer.
En wat gedachte hej' bi'j 't metrum?
En moet et riemen of liever niet?
:Doe now eerst mar iene op pebeer.
Nog even over je veurkeur in de spraoke?
In 't Fries, et Stellingwarfs of...
:Laot mar zitten, ik hoef al gien gedichien meer.
© Piet/er Bult