Veur de bakker

Weeromme naor Gedichten
Weeromme naor Stellingwarfs
Home


Veur de bakker

Niks aovens een groot feest
om drie ure gaot de wekker
naachs, begriep mi'j goed

de ovend nog wat waarm van gister
toch takkebossen sjouwen, butenomme
de temperetuur te hoge, seins wat lege

zwaore zakken mael, zoolt en gist
tussendeur eventies naor 't husien
dan weer mit je hanen in 't deeg

voegels, moezen, rotten alderdeegst
even mit de flitspuite d'r over
da's ok nog es goed veur et milieu

oh ja, en et gebak veur die kakmedam
veur heur moe'n wat extra eier in
het hi'j d'r t'aovend misschien ok wat an

zute koekies, zels al lange een keunstgebit
de tanedokter die moet ok wat verdienen
mekeer wat deur de tied helpen, is zo niet

nee, dan de bolle uut de broodfebriek
maekt deur robots en komputers
altied mar dezelde vorm, etzelde smaekien
d'r komt gien meens meer an te pas
ja, de kontrole, die is deur hoge omes
et is toch zo'k verschrikkelik brood

of... is et eins zo gek nog niet?


© Piet/er Bult