Voetballen

Weeromme naor Gedichten
Weeromme naor Stellingwarfs
Home



Voetballen

Een kaampien grös
twie jassen en een oolde balle
je eerste voetbalkeunsten.

De f-fies, d-gies of c-gies
een protte bin niet veerder kommen
et voetballen lag heur niet.

Trouwen, kiender, aandere zorgen
zundagmiddag toch es even te kieken
ze vraogen nog de hieltied veteranen.

Aanderen konnen et beter
hogeholen, pingelen en koppen
vierde klasse, dadde, twiede.

Gien tied veur huuswark, trenen
in et eerste wiwwe speulen
de helden van et dörp.

Dat kluppien uut Zaandhuzen
wie is daor niet bange veur
sport verbroedert, ienvoold siert.

En wie in jannewaori geboren is, hoezee
en wie in meie geboren is, ok hoezee
en ankem jaor dan vieren wi'j:

75 Jaor vv Zaandhuzen
een hiel schoft, een hiele tied, ja
zegge mar gerust: een bliksems mooie tied...!


© Piet/er Bult